"თბილსერვის ჯგუფში" განმარტავენ, რატომ ვერ ხერხდება დედაქალაქის ზოგიერთი უბნიდან ნაგვის დროულად გატანა, რასაც ნაგვის ურნების გადავსების პრობლემა ახლავს.

როგორც შპს "თბილსერვის ჯგუფში" palitravideo.ge-ს განუცხადეს, დედაქალაქის ზოგიერთ რაიონში კონტეინერების დაცლისა და ნარჩენის გატანის პროცესის შეფერხება სპეცმანქანების გაუმართაობამ გამოიწვია.

მათივე ცნობით, ნაგავმზიდი მანქანების შეკეთება აქტიურად მიმდინარეობს და არსებული პრობლემა უახლოეს პერიოდში აღმოიფხვრება.

„დედაქალაქის ზოგიერთ რაიონში კონტეინერების დაცლისა და ნარჩენის გატანის პროცესის შეფერხება 2007 წლიდან მოყოლებული სხვადასხვა დროს შესყიდული სპეცმანქანების გაუმართაობამ გამოიწვია. აქტიურად მიმდინარეობს ნაგავმზიდი მანქანების შეკეთება და არსებული პრობლემა უახლოეს პერიოდში აღმოიფხვრება. ამავდროულად, დასუფთავების ძველი მანქანების ახლით ჩანაცვლების პროცესი მომავალ წელსაც გაგრძელდება. ბოდიშს გიხდით შეფერხებისთვის,“ - აცხადებენ „თბილსერვის ჯგუფში“.

თბილისის ცალკეულ უბანში გადავსებული ნაგვის ურნების ფოტოები სოციალურ ქსელში ვრცელდება.