ადვოკატთა ასოციაციაში ახლად გაწევრიანებულმა 200-მდე ადვოკატმა პროფესიული ფიცი დადო
ადვოკატთა ასოციაციას კიდევ 200-მდე ახალი წევრი შეემატა. ამის შესახებ ინფორმაციას ადვოკატთა ასოციაცია ავრცელებს.
პროფესიული ადაპტაციის პროგრამის კურსდამთავრებულებმა ადვოკატის ფიცი სიმბოლურად, სწორედ ქართული ადვოკატურის დღეს, 8 ნოემბერს დადეს.
მათივე ცნობით, ფიცის დადების ოფიციალური ცერემონია ადვოკატთა ასოციაციის ახალ შენობაში გაიმართა. ღონისძიებაზე საქართველოს ჰიმნთან ერთად პირველად გაჟღერდა ევროკავშირის ჰიმნი.
ადვოკატთა ასოციაციის თავმჯდომარემ, დავით ასათიანმა ახალ წევრებს ადვოკატის პროფესიაში შესვლა მიულოცა და ფიცის დადების დამადასტურებელი სერტიფიკატები და ადვოკატის მოწმობები გადასცა.
