ოკუპირებული აფხაზეთის ე.წ. შინაგან საქმეთა სამინისტრო აფხაზეთში დივერსანტების შეღწევის შესახებ ინფორმაციას ეხმაურება.
„აფხაზეთის ტერიტორიაზე დივერსანტების შეღწევის შესახებ ინფორმაცია ჯერ არ დადასტურებულა“, - აცხადებენ ე.წ. შინაგან საქმეთა სამინისტროში.
შეგახსენებთ, გუშინ ოკუპირებული აფხაზეთის ე.წ. შინაგან საქმეთა მინისტრმა, რობერტ კიუტმა განაცხადა, რომ გულრიფშის რაიონში ოკუპირებული აფხაზეთის ე.წ. „ძალოვანი სტრუქტურები” შეიარაღებული ადამიანების ჯგუფს ეძებდნენ, მას შემდეგ, რაც ისინი ადგილობრივმა მონადირეებმა შეამჩნიეს.
