კრემლი - ვლადიმერ პუტინი დონის როსტოვში სამხრეთ სამხედრო ოლქის შტაბს ეწვია და სპეცოპერაციის მიმდინარეობის შესახებ მოხსენებები მოისმინა
კრემლის პრესსპიკერის, დიმიტრი პესკოვის განცხადებით, ყაზახეთში ვიზიტის შემდეგ რუსეთის პრეზიდენტი, ვლადიმერ პუტინი დონის როსტოვში გაჩერდა, სადაც სამხრეთ სამხედრო ოლქის შტაბი მოინახულა, ე.წ. „სპეცოპერაციის“ მიმდინარეობის შესახებ მოხსენებები მოისმინა და სამხედრო ტექნიკის ახალ მოდელებს გაეცნო.
”ვლადიმერ პუტინი, ასტანაში ოფიციალური ვიზიტის დასრულების შემდეგ, როსტოვში ჩაფრინდა, სადაც სამხრეთ სამხედრო ოლქის შტაბს ეწვია,” - აღნიშნა პესკოვმა.
მისი თქმით, პუტინს შტაბ-ბინაში თავდაცვის მინისტრი სერგეი შოიგუ, გენერალური შტაბის უფროსი ვალერი გერასიმოვი და სხვა სამხედრო ლიდერები ახლდნენ.
„პრეზიდენტი სამხედრო ტექნიკის ახალ მოდელებს გაეცნო და სპეცოპერაციის მიმდინარეობის შესახებ მოხსენებები მოისმინა“, - დასძინა პესკოვმა.
