მექსიკაში ტრაილერში 123 მიგრანტი, მათ შორის 34 ბავშვი იპოვეს
მექსიკის ხელისუფლებამ სან-ლუის-პოტოსის შტატში მეზობელი ქვეყნებიდან ჩამოსული 123 ადამიანი ტრაილერში იპოვა.
მექსიკის საიმიგრაციო სააგენტოს ინფორმაციით, მიგრანტების უმეტესობა გვატემალადან, ნიკარაგუადან და ჰონდურასიდანაა და მათ შორის, 34 ბავშვია.
მექსიკის ეროვნული მიგრაციის ინსტიტუტში აცხადებენ, რომ ისინი მას შემდეგ აღმოაჩინეს, რაც ადგილობრივმა მცხოვრებმა განაცხადა, რომ ტრაილერის ჩაკეტილი ყუთიდან ტირილის ხმა ისმოდა.
უწყების ინფორმაციით, მიგრანტები საკვებითა და სამედიცინო დახმარებით უზრუნველყვეს და ასევე უზრუნველყოფილები იქნებიან საცხოვრებლით, სანამ მათთან დაკავშირებული მდგომარეობა არ მოგვარდება.
