ენტონი ბლინკენი - უფრო მეტი შეიძლება და უნდა გაკეთდეს პალესტინელი მშვიდობიანი მოსახლეობისთვის ზიანის შესამცირებლად - არავითარი პალესტინელების იძულებითი გადასახლება ღაზადან!
აშშ-ის სახელმწიფო მდივანი, ენტონი ბლინკენი აცხადებს, რომ ღაზაში მშვიდობიანი მოქალაქეების დასაცავად იმაზე ბევრად მეტი უნდა გაკეთდეს, ვიდრე ჰუმანიტარული პაუზები და დერეფნების შექმნაა.
მიუხედავად იმისა, რომ ბლინკენი მიესალმება ისრაელის განცხადებას ოთხსაათიანი ჰუმანიტარული პაუზებისა და ორი დერეფნის შექმნასთან დაკავშირებით, ხაზგასმით აცხადებს, რომ „უფრო მეტი შეიძლება და უნდა გაკეთდეს პალესტინელი მშვიდობიანი მოსახლეობისთვის ზიანის შესამცირებლად“.
„ძალიან ბევრი პალესტინელი დაიღუპა. ძალიან ბევრი დაზარალდა ბოლო კვირების განმავლობაში. ჩვენ გვინდა ყველაფერი გავაკეთოთ იმისათვის, რომ თავიდან ავიცილოთ ზიანი მათთვის და მაქსიმალურად გავზარდოთ დახმარება, რომელსაც ისინი იღებენ მათ იღებენ. ამ მიზნით, ჩვენ განვაგრძობთ ისრაელთან კონკრეტული ნაბიჯების განხილვას“, - აღნიშნა ბლინკენმა, თუმცა აღნიშნული ნაბიჯების დაკონკრეტებისგან თავი შეიკავა.
ამასთან, აშშ-ის სახელმწიფო მდივანმა ხაზი გაუსვა, რომ გარკვეული პროგრესი მიღწეულია ბოლო ერთი კვირის განმავლობაში მას შემდეგ, რაც ის ისრაელში პრემიერ-მინისტრ ბენიამინ ნეთანიაჰუს და სხვა ოფიციალურ პირებს შეხვდა.
„არავითარი პალესტინელების იძულებითი გადასახლება ღაზადან! არავითარი ღაზას გამოიყენება ისრაელის წინააღმდეგ ტერორიზმის ან სხვა თავდასხმების პლატფორმად“, - აღნიშნა ბლინკენმა.
მისი თქმით, აშშ გააგრძელებს ფოკუსირებას მძევლების სახლში დაბრუნებაზე და ასევე, კონფლიქტის გაფართოების თავიდან აცილებაზე.
v-if="article.gallery" v-html="article.gallery"
