შეერთებულ შტატებში აცხადებენ, რომ სამხრეთ-აღმოსავლეთ სირიაში, ირანის ორ ბაზაზე საჰაერო დარტყმები განახორციელეს და ეს იყო პასუხი იმ თავდასხმებზე, რომლებიც ამერიკელი სამხედროების წინააღმდეგ სირიასა და ერაყში ჩაიდინეს.
აშშ-ის თავდაცვის მინისტრმა, ლოიდ ოსტინმა განაცხადა, რომ თავდასხმები განხორციელდა იმ ობიექტებზე, რომლებსაც იყენებდნენ ირანის ისლამური რევოლუციის გუშაგთა კორპუსი და ირანთან დაკავშირებული ჯგუფები.
„დარტყმები განხორციელდა ქალაქების აბუ კამალისა და მაიადინის მახლობლად. პრეზიდენტს არ აქვს უფრო მაღალი პრიორიტეტი, ვიდრე აშშ-ის პერსონალის უსაფრთხოება და მან მიმართა დღევანდელ მოქმედებებს იმის გასაგებად, რომ შეერთებული შტატები დაიცავს საკუთარ თავს, თავის პერსონალს და მის ინტერესებს“, - აღნიშნა ოსტინმა.
შეგახსენებთ, ოთხშაბათს აშშ-მა სირიაში იარაღის საწყობი გაანადგურა, რომელსაც, პენტაგონის მტკიცებით, ირანის ისლამური რევოლუციის გუშაგთა კორპუსი იყენებდა.
