თორნიკე რიჟვაძე დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს საქართველოში მარკ კლეიტონს შეხვდა
აჭარის მთავრობის თავმჯდომარე, თორნიკე რიჟვაძე დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს საქართველოში, მარკ კლეიტონს შეხვდა. ამის შესახებ ინფორმაციას აჭარის მთავრობა ავრცელებს.
მათივე ცნობით, შეხვედრაზე საქართველოსა და გაერთიანებულ სამეფოს შორის სავაჭრო-ეკონომიკური, განათლების, თავდაცვისა და უსაფრთხოების სფეროებში მჭიდრო თანამშრომლობას გაესვა ხაზი.
„აჭარის მთავრობის მეთაურმა თორნიკე რიჟვაძემ ელჩს რეგიონის საინვესტიციო გარემო და აჭარაში მიმდინარე ინფრასტრუქტურული პროექტები გააცნო. ასევე, საუბარი შეეხო ევროკომისიის ისტორიულ გადაწყვეტილებას და საქართველოს ევროპულ პერსპექტივას.
აჭარის მთავრობის ადმინისტრაციაში გამართულ შეხვედრას ბათუმის მერი არჩილ ჩიქოვანი ესწრებოდა“,- აღნიშნულია ინფორმაციაში.
