საქართველოს ფერმერთა ასოციაციისა და საქართველოს გარემოს დაცვისა და სოფლის მეურნეობის სამინისტროს ერთობლივი ინიციატივით, „ფერმერის დღე“ 17 ნოემბერს გაიმართება.

ფერმერთა ასოციაციის მიერ გავრცელებული ინფორმაციის მიხედვით, ღონისძიების ოფიციალურ ნაწილს, სადაც სხვადასხვა ნომინაციებში ცხრა წარმატებული ფერმერი დაჯილდოვდება, 200-ზე მეტი სტუმარი მთავრობის, საკანონმდებლო ორგანოს, დიპლომატიური კორპუსის, არასამთავრობო, დონორი ორგანიზაციების, სექტორული ასოციაციებისა და სხვადასხვა სექტორის წარმომადგენელი ფერმერები დაესწრებიან.

„ამ დღისთვის დამატებით დაწესდა ორი სპეციალური პრიზი. საქართველოში „ფერმერთა დღე“ 2015 წლიდან აღინიშნება, რომლის მიზანია, ფერმერთა შრომის და წვლილის დაფასება სოფლის მეურნეობის სექტორის ზრდისა და მდგრადობის ხელშეწყობაში. ფერმერის დღის გენერალური მხარდამჭერია „საქართველოს ბანკი“, სპონსორები: „ველი სთორი“, „ალდაგი“, „სანტე“, „თელიანი ველი“, Soplidan.ge და სხვა“,- ნათქვამია ინფორმაციაში.