ეროვნული ბიბლიოთეკის დირექტორს, გიორგი კეკელიძეს არასამთავრობო ორგანიზაციის, „კულტურული მრავალფეროვნება მშვიდობიანი მომავლისთვის“, დამფუძნებელმა დარისპან პრაშერმა ინდოეთის კულტურის პოპულარიზაციაში შეტანილი წვლილისთვის სპეციალური ჯილდო „ვასუდეივკატუმბაკამ“ გადასცა. აღნიშნულთან დაკავშირებით ინფორმაციას ეროვნული ბიბლიოთეკა ავრცელებს.

მათი ცნობით, რამდენიმე ხნის წინ, ეროვნული ბიბლიოთეკის საგამოფენო დარბაზმა ინდური კულტურის დღეებს უმასპინძლა.

„ღონისძიება არასამთავრობო ორგანიზაციის, „კულტურული მრავალფეროვნება მშვიდობიანი მომავლისთვის“, მიერ იყო ორგანიზებული. ღონისძიებაში ონლაინფორმატით საგარეო და კულტურის საკითხებში ინდოეთის სახელმწიფო მინისტრი მონაწილეობდა.

მალე გამოვა „ბჰაგავატგიტას“ გიორგი კეკელიძისეული თარგმანი და კომენტარები“, - ნათქვამია ინფორმაციაში.