ჯოზეფ ბორელი ისრაელში ჩადის

ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი ახლო აღმოსავლეთს ეწვევა, - ამის შესახებ სოციალურ ქსელში თავად ბორელი წერს.

„გავემგზავრები ისრაელში, პალესტინაში, ბაჰრეინში, საუდის არაბეთში, კატარსა და იორდანიაში ამ კვირაში, რათა განვიხილო ჰუმანიტარული ხელმისაწვდომობა და დახმარება და პოლიტიკური საკითხები რეგიონის ლიდერებთან. ჩვენ გვჭირდება ორი სახელმწიფოს პრინციპზე დაფუძნებული გადაწყვეტისკენ მიმართული პოლიტიკური ჰორიზონტი. ამის მიღწევა მხოლოდ დიალოგით არის შესაძლებელი“, - წერს ბორელი.