ლუქსემბურგი მხარს უჭერს უკრაინის ევროკავშირში გაწევრიანების შესახებ მოლაპარაკებების დაწყებას, მაგრამ კონკრეტულ თარიღზე საუბარი საჭირო არ არის. ამის შესახებ ლუქსემბურგის საგარეო საქმეთა მინისტრმა, ჟან ასელბორნმა განაცხადა.

„მე მჯერა, რომ უკრაინა იმსახურებს იმას, რომ ეს პერსპექტივა არა დახურული, არამედ ღია იყოს. ყველა არსებულ პრობლემასთან ერთად“, - განაცხადა ასელბორნმა.

ამავე დროს, ლუქსემბურგის საგარეო საქმეთა მინისტრმა აღნიშნა, რომ უკრაინის გაწევრიანების თარიღთან დაკავშირებით დაპირებების გაცემა საჭირო არ არის.

„შეცდომა იქნება იმის თქმა, რომ უკრაინა ევროკავშირის წევრი ორ, სამ, ოთხ ან ხუთ წელიწადში გახდება“, - აღნიშნა ასელბორნმა.