ჯოზეფ ბორელი აცხადებს, რომ დეკემბერში ევროკავშირი კიევში მისიას გაგზავნის
დეკემბერში ევროკავშირი კიევში მისიას გაგზავნის, რომელიც უკრაინის უსაფრთხოების ვალდებულებების შესახებ ევროკავშირის წინადადებებს წარადგენს, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჯოზეფ ბორელმა განაცხადა.
„თქვენ იცით, რომ ევროპელმა ლიდერებმა ბოლო ევროპულ საბჭოზე დავალებად მომცეს, რომ შემექმნა ევროკავშირის უსაფრთხოების ვალდებულებები უკრაინის მიმართ.
ჩვენ ამაზე წევრ ქვეყნებთან ერთად ვმუშაობთ. მომდევნო თვის დასაწყისში მე უკრაინაში, ჩვენი წინადადებების განსახილველად, მისიას გავგზავნი“, - განაცხადა ბორელმა.
ჯოზეფ ბორელმა აღნიშნა, რომ მოხარული იქნება, თუ კიევში ვიზიტის შესაძლებლობა თავადაც მიეცემა.
