პეტერ სიიარტო აცხადებს, რომ უკრაინის სამხედრო დახმარებისთვის ევროკავშირის ფონდიდან 500 მილიონი ევროს გამოყოფის დაბლოკვას გააგრძელებს
უნგრეთი უკრაინის სამხედრო დახმარებისთვის ევროკავშირის ფონდიდან 500 მილიონი ევროს გამოყოფის დაბლოკვას გააგრძელებს, - ამის შესახებ უნგრეთის საგარეო საქმეთა მინისტრმა, პეტერ სიიარტომ განაცხადა.
„რა თქმა უნდა, მე ამას არ ვუჭერ მხარს, რადგან ჩვენ ვაგრძელებთ აღნიშნული პოზიციის დაკავებას იქამდე, სანამ უკრაინის ანტიკორუფციული სააგენტოსგან გარანტიას არ მივიღებთ, რომ OTP ან რომელიმე უნგრული კომპანია ცრუ ბრალდებების საფუძველზე ომის საერთაშორისო სპონსორების სიაში არ იქნება შეყვანილი. ამ საკითხში ჩვენ წინსვლას ვერ შევძლებთ“, -განაცხადა სიიარტომ.
უნგრეთის საგარეო საქმეთა მინისტრმა აღნიშნა, რომ ევროკავშირის ფონდიდან გამოყოფილი 500 მილიონი ევრო პირდაპირ უკრაინაში კი არ მიდის, არამედ ევროკავშირის ქვეყნებს იარაღის მიწოდების კომპენსაციისთვის გადაეცემა, ამიტომ „უკრაინის მხარდაჭერას არავინ აკავებს“.
v-if="article.gallery" v-html="article.gallery"
