თურქეთის პარლამენტის საგარეო ურთიერთობათა კომისია შვედეთის ნატო-ში გაწევრიანების წინადადებას ხუთშაბათს განიხილავს
თურქეთის პარლამენტის საგარეო ურთიერთობათა კომისია შვედეთის ნატო-ში გაწევრიანების წინადადებას ხუთშაბათს განიხილავს, - ამის შესახებ ინფორმაციას სააგენტო Reuters-ი ავრცელებს.
თურქეთის პარლამენტის საგარეო ურთიერთობათა კომისიის დღის წესრიგის მიხედვით, კომისია კანონპროექტს, რომელიც შვედეთის ნატო-ში გაწევრიანების წინადადებას ამტკიცებს, ხუთშაბათს განიხილავს.
თურქეთის პრეზიდენტმა, რეჯეფ თაიფ ერდოღანმა კანონპროექტი პარლამენტს რატიფიცირებისთვის სამი კვირის წინ წარუდგინა, რასაც ნატო და სტოკჰოლმი მიესალმა. თურქეთის პარლამენტის სრულ გენერალურ ასამბლეაზე კენჭისყრამდე, კანონპროექტი პარლამენტის საგარეო ურთიერთობათა კომისიამ უნდა დაამტკიცოს, ხოლო ამის შემდეგ ერდოღანი მას ხელს მოაწერს.
ცნობისთვის, ნატო-ს საგარეო საქმეთა მინისტრების შეხვედრა ბრიუსელში 28-29 ნოემბერს გაიმართება.
v-if="article.gallery" v-html="article.gallery"
