აშშ-მა და დიდმა ბრიტანეთმა „ჰამასის“ წინააღმდეგ ახალი სანქციები დააწესეს

აშშ-მა და დიდმა ბრიტანეთმა „ჰამასის“ წინააღმდეგ ახალი სანქციები შემოიღეს. ამის შესახებ განცხადებებს აშშ-ის სახელმწიფო დეპარტამენტი და ფინანსთა სამინისტრო ავრცელებენ.

აშშ აღნიშნავს, რომ სანქციების მესამე რაუნდი დაჯგუფების საკვანძო წევრებსა და მექანიზმებს ეხება, რომელთა მეშვეობითაც ირანი დახმარებას უწევს „ჰამასსა” და “პალესტინის ისლამურ ჯიჰადს”.

“დღევანდელი სანქციები კოორდინაციაშია დიდი ბრიტანეთის ქმედებებთან და მიმართულია საერთაშორისო ფინანსური სისტემის „ჰამასისა“ და მისი მიმდევრების მხრიდან ბოროტად გამოყენებისგან დაცვისკენ”, - აღნიშნულია აშშ-ის ფინანსთა სამინისტროს განცხადებაში.

სასანქციო სიაშია 7 ფიზიკური და 2 იურიდიული პირი, რომლებიც დახმარებას უწევდნენ ან „ჰამასისა” და “პალესტინის ისლამური ჯიჰადის” სახელით მოქმედებდნენ.