საერთაშორისო რესპუბლიკური ინსტიტუტის (IRI) კვლევის თანახმად, 74% თვლის, რომ დემოკრატია ქვეყნისთვის მმართველობის საუკეთესო ფორმაა.

კერძოდ, კითხვაზე გჯერათ, რომ დემოკრატია ჩვენი ქვეყნისთვის მმართველობისთვის საუკეთესო ფორმაა რესპოდენტთა პასუხები ასე გადანაწილდა.

გამოკითხულთა 74% თვლის, რომ დემოკრატია ქვეყნისთვის მმართველობის საუკეთესო ფორმაა. 8% მიიჩნევს, რომ არსებობს სხვა თანაბრად კარგი მმართველობის ფორმები და 8% თვლის მმართველობის სხვა ფორმები უკეთესია. 11% შეკითხვას არ პასუხობს, ან ამბობს, რომ არ იცის. მიმდინარე წლის გაზაფხულზე ჩატარებული კვლევის შედეგებთან შედარებით, იმ ადამიანების პროცენტული წილი 3%-ით ნაკლებია ვინც თვლიდა, რომ დემოკრატია მმართველობის საუკეთესო ფორმა იყო.

კვლევა ჩატარდა 2023 წლის 14 სექტემბერი - 14 ოქტომბრის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა „IPM“-ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1200 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 73%. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.