ვენეციის კომისიის დელეგაცია პარლამენტში შეხვედრებს მართავს. შეხვედრა უკვე გაიმართა პარლამენტის თავმჯდომარე შალვა პაპუაშვილთან.

დელეგაციის წევრები ახლა ოპოზიციონერ დეპუტატებს ხვდებიან.

არსებული ინფორმაციით, შეხვედრაზე რამდენიმე საკითხი განიხილება, კერძოდ: საარჩევნო კოდექსი, პარლამენტის რეგლამენტი, კორუფციის წინააღმდეგ ბრძოლა და სპეციალურ საგამოძიებო სამსახურთან დაკავშირებული საკითხები.

ოპოზიციის შემდეგ დელეგაციის წევრები უმრავლესობის ლიდერს, ირაკლი კობახიძეს შეხვდებიან, კიდევ ერთი შეხვედრა გაიმართება უმრავლესობის წევრებთანაც. ასევე ცნობილია, რომ დღის მეორე ნახევარში ოპოზიციასთან შეხვედრას უშუალოდ დელეგაციის ხელმძღვანელი გამართავს.