აქციის მონაწილეები გარემოს დაცვისა და სოფლის მეურნეობის სამინისტროსთან სახალხო დამცველის მისვლას ითხოვენ
თბილისში, გარემოს დაცვისა და სოფლის მეურნეობის სამინისტროსთან რაჭის ტყეებზე გაცემული ლიცენზიის გაუქმების მოთხოვნით შეკრებილები სახალხო დამცველის, ლევან იოსელიანის ადგილზე მისვლას ითხოვენ. მანამდე, აქციის მონაწილეებმა პოლიციის ნებართვის შემდეგ, ქოლგა გაშალეს, აქციის მონაწილეებს ტერიტორიაზე კარვის გაშლაც სურთ, თუმცა აცხადებენ, რომ პოლიციისგან ნებართვა არ აქვთ.
შეკრებილები აცხადებენ, რომ პროტსტი გაგრძელდება. პროტესტის მონაწილეების ძირითადი მოთხოვნაა, რაჭა-ლეჩხუმისა და ქვემო სვანეთის რეგიონში 2022 წლის მარტში 104 712 ჰექტარ ტყეზე 49-წლიანი სამონადირეო ლიცენზიის გაუქმება. ამასთან, პროტესტის მონაწილეების მოთხოვნაა გარემოს დაცვისა და სოფლის მეურნეობის მინისტრთან, ოთარ შამუგიასთან შეხვედრა და იმის გაგება, თუ რა გეგმა აქვს უწყებას რაჭის ტყეებთან დაკავშირებით.
საკითხს 18 ნოემბერს გამოეხმაურა გარემოს დაცვისა და სოფლის მეურნეობის სამინისტრო. უწყების განცხადებით, არ არსებობს საფუძველი საპროტესტო აქციების გასამართად და “ტყუილია, თითქოს რაჭაში ტყე გაიყიდა”. მათივე განმარტებით, სამონადირეო ლიცენზიის ძალადაკარგულად გამოცხადების საკითხი კანონმდებლობით გათვალისწინებული წესით შესაბამის ვადებში განიხილება.
v-if="article.gallery" v-html="article.gallery"
