დღეს, 20 ნოემბერს, გლდანის მე-2 მიკრო რაიონის N25ბ-ს მიმდებარედ „ჯორჯიან უოთერ ენდ ფაუერის“ წყალსადენის ქსელი ავარიულად დაზიანდა. „ჯორჯიან უოთერ ენდ ფაუერის“ ინფორმაციით, კომპანიის ტექნიკური ჯგუფი ადგილზეა მობილიზებული და ქსელის დაზიანებული მონაკვეთის აღსადგენად მოსამზადებელი სამუშაოები მიმდინარეობს.

„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, დღეს, 20 ნოემბერს, დღის 13:45 საათიდან, საღამოს 22:00 საათამდე წყალმომარაგება შეეზღუდება:

გლდანის რაიონში: გლდანის I, II, III, IV და “ა” მიკრო რაიონებს, ანდრონიკაშვილის ქუჩას, II ჩიხს და II, III, IV შესახვევებს, ვასაძის, ვეკუას, მოსულიშვილის, შეშელიძის, შენგელიას, ვარდევანის, ხეჩუაშვილის, ყუშიტაშვილის, 9 ძმა ხერულიძის, 26 მაისის, მეგობრობის, ლიბანისა და მიმდებარე ქუჩებს, ჭრებალოს ქუჩასა და ჩიხებს, უწერის ქუჩის ნაწილს.

ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის.

სამუშაოების მიმდინარეობისას, წყალმომარაგების სრულად აღდგენამდე კომპანია მოსახლეობას წყალს ცისტერნებით მიაწვდის.

წყალმომარაგების შეზღუდვისა და აღდგენის შესახებ ინფორმაციას ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge ", - ნათქვამია ინფორმაციაში.