ვლადიმერ პუტინი სამშაბათს BRICS-ის ქვეყნების ვირტუალურ სამიტში მიიღებს მონაწილეობას - ამის შესახებ ინფორმაციას კრემლი ავრცელებს.

„21 ნოემბერს, პალესტინა-ისრაელის კონფლიქტის განსახილველად, რუსეთის პრეზიდენტი, ვლადიმერ პუტინი BRICS-ის საგანგებო სამიტში (ვიდეოკონფერენციის საშუალებით) მიიღებს მონაწილეობას“, - ნათქვამია კრემლის განცხადებაში.

მედიის მიერ გავრცელებული ინფორმაციით, შეხვედრას სამხრეთ აფრიკის პრეზიდენტი, სირილ რამაფოზა უხელმძღვანელებს და მასში მონაწილეობას გაეროს გენერალური მდივანი, ანტონიუ გუტერეშიც მიიღებს.