ჩვენ ყველაფერს ვაკეთებთ იმისთვის, რომ ევროკავშირის დროშაზე უკრაინის ვარსკვლავი გაბრწყინდეს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„ყოველწლიურად, ეტაპობრივად, ვაკეთებთ ყველაფერს, რომ ევროკავშირის დროშაზე, ვარსკვლავების წრეში, ჩვენი ვარსკვლავიც ანათებდეს, რაც ევროპის ხალხების ერთიანობის სიმბოლოა“, - წერს ზელენსკი „ტვიტერის“ გვერდზე.

ღირსების რევოლუციის დაწყებიდან 10 წლისთავზე, პრეზიდენტმა ზელენსკიმ ხაზი გაუსვა იმას, რომ უკრაინის ძალისხმევა ევროკავშირის სრულფასოვანი წევრობით უნდა დასრულდეს.

„დღეს ჩემს უკან უკრაინისა და ევროკავშირის დროშები დგას და ჩვენ გვაქვს უფლება ვთქვათ, რომ ეს არ არის მხოლოდ მოედნის დეკორაცია, გამოგონილი რამ, არამედ ეს არის უკრაინის ევროპისგან განუყოფლობის ნამდვილი სიმბოლო. სიმბოლო უფლებისა, რომელსაც უკრაინელი ერი და უკრაინის სახელმწიფო მთელი ამ ხნის განმავლობაში განამტკიცებს“, - აღნიშნა უკრაინის პრეზიდენტმა.