„ჰამასის“ მძევლების ოჯახის წევრები რომის პაპს შეხვდებიან

„ჰამასის“ მიერ გატაცებული მძევლების ოჯახის წევრები რომის პაპს შეხვდებიან. ამის შესახებ ინფორმაციას ისრაელის საგარეო საქმეთა სამინისტრო ავრცელებს.

ისრაელის საგარეო საქმეთა სამინისტროს ცნობით, „ჰამასის“ მიერ გატაცებული და ამჟამად ღაზაში დაკავებული 12 მძევლის ოჯახის წევრები რომის პაპ ფრანცისკეს ვატიკანში შეხვდებიან.

საერთო ჯამში, „ჰამასის“ მძევლების ოჯახების 20 წევრი რომის პაპთან ვიზიტის შემდეგ იტალიის მთავრობის მაღალჩინოსნებსაც შეხვდება.

შეგახსენებთ, რომ ამ დრომდე ღაზაში „ჰამასის“ ტყვეობაში დაახლოებით 240 მძევალი რჩება.