მიღწეული შეთანხმების თანახმად „ჰამასი“ 50 მძევალ ბავშვსა და ქალს გაათავისუფლებს. ამის შესახებ თეთრი სახლის ეროვნული უშიშროების საბჭოს კოორდინატორმა ჯონ კირბიმ თეთრი სახლის მიერ გავრცელებულ ვიდეოში განაცხადა.
“პრეზიდენტ ბაიდენის პირადი ლიდერობისა და ჩართულობის წყალობით ისრაელსა და "ჰამასს" შორის შეთანხმება შედგა "ჰამასის" მიერ აყვანილი 50 მძევლის გათავისუფლების შესახებ - ქალები და ბავშვები…
დაახლოებით ხვალიდან ვნახავთ თუ როგორ ერთიანდებიან თავიანთ ოჯახებთან.
ეს შეთანხმება ასევე ბრძოლაში პაუზის შექმნას მისცემს შესაძლებლობას დაახლოებით ოთხი დღის განმავლობაში, შეიძლება მეტ ხანსაც, ვნახავთ; და ასევე ძალიან საჭირო ჰუმანიტარული დახმარების შესვლას - საჭმელს, წყალს, მედიკამენტებს, და საწვავს ღაზას მოსახლეობისთვის, რომელიც ამას ძალიან საჭიროებს…
არ მოვისვენებთ, სანამ ყველა მძევალი თავის ოჯახს არ დაუბრუნდება. ასე რომ, კიდევ ბევრი სამუშაოა, მაგრამ დღეს კარგი დღეა”, - განაცხადა კირბიმ.
მან ასევე აღნიშნა, რომ აშშ ისრაელის მხარდაჭერას გააგრძელებს, რათა დარწმუნდეს, რომ მას ინსტრუმენტები და შესაძლებლობები აქვს "ჰამასის" დასამარცხებლად.
