მძევლების გათავისუფლების შესახებ შეთანხმება პარასკევამდე არ ამოქმედდება, - ამის შესახებ ისრაელის ეროვნული უსაფრთხოების მრჩეველმა, ცაჰი ჰანეგბიმ განაცხადა.

„მძევლების გათავისუფლების შესახებ მოლაპარაკებები წინ მიიწევს და მუდმივად გრძელდება. მათი გათავისუფლების დაწყება მხარეებს შორის თავდაპირველი შეთანხმების მიხედვით მოხდება, მაგრამ არა პარასკევამდე“, - განაცხადა ჰანეგბიმ.

ოთხშაბათს, ისრაელი და „ჰამასი“ შეთანხმდნენ, რომ „ჰამასი“ სულ მცირე 50 მძევალს გაათავისუფლებს, ხოლო სანაცვლოდ ისრაელი ციხეებიდან 150 პალესტინელს გაუშვებს.