ინდოეთში, უტარახანდის შტატის მაღაროს შახტაში ჩარჩენილი 41 მაღაროელის გადარჩენის სამუშაოები მიმდინარეობს. სამაშველო სამუშაოებში 100-ზე მეტი ადამიანია ჩართული.

BBC-ი ადგილობრივ ხელისუფლებაზე დაყრდნობით წერს, რომ სამაშველო სამუშაოები დასკვნით ეტაპზეა და მაშველები შახტაში ჩარჩენილი მუშების ამოყვანას მომდევნო 12-15 საათის განმავლობაში მომახერხებენ.

ინდოეთის კატასტროფების მართვის სამსახურის განცხადებით, მუშების გამოსაყვანად, სულ მცირე, 60 მეტრის კლდოვანი მასის გაბურღვა გახდა საჭირო. უტარახანდის შტატის მაღაროს შახტა მეწყრის შედეგად 12 ნოემბერს ჩამოინგრა.