არ ვიცი, შუა შეიკრიბება, თუ გაღმა-გაღმა ვინც დადიან ისინი, მაგრამ აქ პარადოქსია, რომ 1+1+1 არის ნული - ასეთი არითმეტიკა იქნება და აუცილებლად „ქართული ოცნება“ გაიმარჯვებს, - ასე პასუხობს საპარლამენტო უმრავლესობის წევრი ბექა ოდიშარია „ლელოს“ ლიდერის, მამუკა ხაზარაძის განცხადებას, რომ „შუა უნდა შეიკრიბოს“.

ოდიშარია აცხადებს, რომ გაერთიანება „მათი ბოლო შანსია“.

„აუცილებლად უნდა შეიკრიბოს, არ ვიცი, შუა შეიკრიბება, თუ გაღმა-გაღმა ვინც დადიან წრეზე ისინი, მაგრამ ვინ უნდა შეიკრიბონ? „ლელოს“ და გახარიას დეკლარირებულად სძულთ ერთმანეთი, დანარჩენი ერთ პროცენტიანი პარტიებია. თქვენთვის ცნობილია ალბათ, რომ ნულს პლუს ნული, არის ნული, აქ პარადოქსია, რომ ერთს პლუს ერთი და პლუს ერთი არის ნული. აი, ასეთი არითმეტიკა იქნება და აუცილებლად „ქართული ოცნება“ გაიმარჯვებს დანარჩენები გაერთიანდებიან თუ არა, მაგრამ რაციონალურია, რომ გაერთიანდნენ, სხვა გზა არ აქვთ, ეს არის მათი ბოლო შანსი. თუმცა, კიდევ ერთხელ ვიძახი, პარტიულ შემთხვევაში პარადოქსული არითმეტიკაა, ერთს პლუს ერთი და პლუს ერთი არის მაქსიმუმ ერთი ჯამში”, - განაცხადა ოდიშარიამ.