25 ნოემბერს, ქალთა მიმართ ძალადობის აღმოფხვრის საერთაშორისო დღეს, ბათუმის სტადიონი ნარინჯისფრად განათდა.

ამის შესახებ ინფორმაციას აჭარის მთავრობა ავრცელებს.

მათივე ცნობით, ბათუმი ამ ჟესტით გენდერული ძალადობის წინააღმდეგ გლობალურ კამპანიას შეუერთდა.

„მსოფლიო მასშტაბით გენდერული ძალადობის წინააღმდეგ ბრძოლის 16-დღიანი კამპანია 1991 წლიდან, 25 ნოემბრიდან 10 დეკემბრის ჩათვლით ყოველწლიურად მიმდინარეობს“, - ნათქვამია ინფორმაციაში.