ძლიერმა ქარმა ფოთში პრობლემები შექმნა. ქარმა კოსტავას ქუჩაზე მდებარე მაღალსართულიან კორპუსს სახურავი გადახადა. დაზიანდა ათამდე ავტომობილი. დაზარალებულები დახმარებას ითხოვენ. მათი განცხადებით, ადგილობრივი ხელისუფლებიდან ჯერ არავის განუმარტავს თუ როდის დაიწყება დაზიანებული სახურავის აღდგენა.

მერიის ინფორმაციით კი, შექმნილია სპეციალური კომისია, რომელიც ზარალს სწავლობს. მათივე ცნობით, დაზარალებულ ოჯახებს შესაბამისი დახმარება გაეწევა.