პაატა მანჯგალაძე - როცა მოგატყუებენ პირველად, შემდეგ მეორედ, მესამე მოტყუება იმას ნიშნავს, რომ გსიამოვნებს როცა გატყუებენ - „ქართული ოცნების“ ტყუილებით სიამოვნების მიღებას და სამუშაო ჯგუფებში შესვლას არ ვაპირებთ

როდესაც მოგატყუებენ პირველად, შემდეგ მეორედ, მესამე მოტყუება იმას ნიშნავს, რომ გსიამოვნებს როცა გატყუებენ - „ქართული ოცნების“ ტყუილებით სიამოვნების მიღებას და სამუშაო ჯგუფებში შესვლას არ ვაპირებთ, - ეს განცხადება ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ გააკეთა.

მანჯგალაძის თქმით, ევრორეკომანდაციების თაობაზე შექმნილ სამუშაო ჯგუფებთან დაკავშირებული წინა გამოცდილება მხოლოდ იმას ადასტურებს, რომ ხელისუფლება ოპოზიციასთან არაფრის დათახმებას არ აპირებს.

„დაახლოებით ცხრა სამუშაო ჯგუფი იყო და არც ერთ ჯგუფს ოპოზიციასთან შეთანხმებით გადაწყვეტილება არ მიუღია - ასეთი არც ერთი პრეცედენტი არ არსებობს. თუ ვინმე ერთობა და „ქართულ ოცნებასთან“ ერთად სამუშაო ჯგუფში ჯდომა უხარია, ჩვენ ამის წინააღმდეგი არა ვართ“, - განაცხადა პაატა მანჯგალაძემ.