ქუთაისის მუნიციპალიტეტის მერია კონკურსს აცხადებს პროექტის „ქუთაისი: ინტეგრირებული ტრანსფორმაცია მდგრადი განვითარებისათვის" ფარგლებში. ამის შესახებ ინფორმაციას ქუთაისის მუნიციპალიტეტის მერია ავრცელებს.

„კონკურსი ცხადდება ქუთაისის მცხოვრებლების, სამოქალაქო საზოგადოების ორგანიზაციებისა და კერძო სექტორისთვის ქალაქ ქუთაისის მუნიციპალიტეტის სერვისების გასაუმჯობესებელი ინოვაციური გადაწყვეტილებების შესამუშავებლად.

კონკურსში მონაწილეობის მსურველებს განაცხადის წარმოდგენა შეუძლიათ 2023 წლის 24 ნოემბრიდან 2023 წლის 15 დეკემბრის 18:00 საათამდე“,- აღნიშნულია ინფორმაციაში.

ამასთან, ინფორმაცია კონკურსის შესახებ შეგიძლიათ იხილოთ ბმულზე :

http://www.kutaisi.gov.ge/open_konkursebi/48