ღაზის სექტორისთვის განკუთვნილი ჰუმანიტარული დახმარებით დატვირთული ხუთი თვითმფრინავი ეგვიპტეში გაიგზავნა, - ამის შესახებ ინფორმაციას კატარის საგარეო საქმეთა სამინისტრო ავრცელებს.

კატარის საგარეო საქმეთა სამინისტროს ცნობით, ჰუმანიტარული დახმარებით დატვირთული ხუთი თვითმფრინავი ეგვიპტის ქალაქ ელ-არიშისკენ გაემართა, საიდანაც დახმარება ღაზაში შევა.

კატარი ღაზას 156 ტონა დახმარებას, მათ შორის საკვებსა და მედიკამენტებს, უგზავნის.

ღაზას მიმართულებით ჰუმანიტარული დახმარება კატარის განვითარების ფონდმა გაგზავნა.