ევროკომისიის მიერ დაფინანსებული პროექტის „სავეტერინარო მედიცინის ფაკულტეტების განვითარება საქართველოს უმაღლეს სასწავლო დაწესებულებებში ახალგაზრდა ვეტერინარიის პროფესიონალების მომზადების მიზნით“ (VETPRO) ფარგლებში სემინარების სერია დაიწყო. ინფორმაციას ევროპის უნივერსიტეტი ავრცელებს.
მათი ინფორმაციით, სემინარები ვეტერინარიის საგანმანათლებლო პროგრამების აკადემიური და მოწვეული პერსონალის აკადემიური, კვლევითი და კარიერული განვითარების უნარების გაძლიერებას ისახავს მიზნად.
„აღნიშნულ პროექტში ჩართულია საქართველოს სამი უნივერსიტეტი ("ევროპის უნივერსიტეტი" - კოორდინატორი, სამცხე-ჯავახეთის სახელმწიფო უნივერსიტეტი, შოთა მესხიას ზუგდიდის სახელმწიფო სასწავლო უნივერსიტეტი) და ორი ევროპული უნივერსიტეტი (ესტონეთის სიცოცხლის შემსწავლელ მეცნიერებათა უნივერსიტეტი, ესტონეთის სიცოცხლის შემსწავლელ მეცნიერებათა უნივერსიტეტი)“,-აღნიშნულია ინფორმაციაში.
