განათლებისა და მეცნიერების კომიტეტი თემატური მოკვლევის ფარგლებში გაცემული რეკომენდაციების შესრულების მონიტორინგს იწყებს
საქართველოს პარლამენტის განათლებისა და მეცნიერების კომიტეტმა 2021 წელს COVID-19 პანდემიის ზოგად განათლებაზე ზეგავლენის შეფასების მიზნით თემატური მოკვლევა განახორციელა. ამის შესახებ ინფორმაციას პარლამენტის პრესსამსახური ავრცელებს.
მათივე ცობით, 2023 წელს, კომიტეტმა, სამოქმედო გეგმის საფუძველზე, აღნიშნული მოკვლევის ფარგლებში გაცემული რეკომენდაციების შესრულების მონიტორინგი დაიწყო. პროცესს განათლებისა და მეცნიერების კომიტეტის თავმჯდომარის მოადგილე ბაია კვიციანი ხელმძღვანელობს.
„გაცემული რეკომენდაციების შესრულების მონიტორინგის ფარგლებში ბაია კვიციანმა პირველი სამუშაო შეხვედრა გამართა.
შეხვედრას განათლებისა და მეცნიერების სამინისტროსა და მის დაქვემდებარებაში არსებული საჯარო სამართლის იურიდიული პირების წარმომადგენლები ესწრებოდნენ.
აღნიშნული პროცესის განმავლობაში, დაგეგმილია საერთაშორისო და არასამთავრობო ორგანიზაციების წარმომადგენლებთან შეხვედრები.
აღნიშნულის შემდეგ, მომზადდება დასკვნა, რომელშიც ასახული იქნება გაცემული რეკომენდაციების შესრულების კუთხით არსებული მდგომარეობა”, - ნათქვამია ინფორმაციაში.
v-if="article.gallery" v-html="article.gallery"
