აშშ-ის ყოფილი სახელმწიფო მდივანი, ჰენრი კისინჯერი 100 წლის ასაკში გარდაიცვალა
აშშ-ის ყოფილი სახელმწიფო მდივანი, ჰენრი კისინჯერი 100 წლის ასაკში გარდაიცვალა, - ამის შესახებ განცხადებას საერთაშორისო გეოპოლიტიკური საკონსულტაციო ფირმა Kissinger Associates-ი ავრცელებს.
„დოქტორი ჰენრი კისინჯერი, პატივცემული ამერიკელი მეცნიერი და სახელმწიფო მოღვაწე, დღეს, კონექტიკუტში, საკუთარ სახლში, გარდაიცვალა“, - ნათქვამია განცხადებაში.
ნობელის პრემიის ლაურეატმა, ჰენრი კისინჯერმა, 1970-იან წლებში უამრავ მნიშვნელოვან გეოპოლიტიკური მოვლენის ფორმირებაში მიიღო მონაწილეობა, როდესაც პრეზიდენტების ჯერალდ ფორდისა და რიჩარდ ნიქსონის ადმინისტრაციებში ეროვნული უსაფრთხოების მრჩევლისა და სახელმწიფო მდივნის თანამდებობები ეკავა.
ჰენრი კისინჯერი აშშ-ის დიპლომატიაში ყოველთვის აქტიურ ფიგურად რჩებოდა, მათ შორის, მიმდინარე წლის ივლისში იგი პეკინში, ჩინეთის პრეზიდენტს, სი ძინპინს შეხვდა.
v-if="article.gallery" v-html="article.gallery"
