ენტონი ბლინკენმა სკოპიე ლავროვის ვიზიტამდე დატოვა და ისრაელში გაემგზავრა. ამის შესახებ ინფორმაციას სააგენტო The Associated Press-ი ავრცელებს.

The Associated Press-ის ცნობით, აშშ-ის სახელმწიფო მდივანი, ენტონი ბლინკენი ეუთო-ს მინისტერიალის შეხვედრის წინ გამართულ ვახშამზე ჩრდილოეთ მაკედონიის საგარეო საქმეთა მინისტრს, ბუიარ ოსმანს შეხვდა და მას სკოპიეს მიერ გაწეული მუშაობისთვის მადლობა გადაუხადა.

ჩრდილოეთ მაკედონიის დედაქალაქიდან, ენტონი ბლინკენი ისრაელში გაემგზავრა, სადაც 7 ოქტომბრის “ჰამასის” თავდასხმების შემდეგ, ეს მისი მესამე ვიზიტია.