აზიის განვითარების ბანკის პრეზიდენტი - ჩვენი ამბიციაა, ჯამურად, 100 ტრილიონი დოლარით კლიმატის ცვლილებებთან გამკლავების ძალისხმევის დაფინანსება 2019-2030 წლების პერიოდში

მოხარული ვარ, რომ ვესწრები ამ პირველ მინისტერიალს 2019 წლიდან პანდემიით გამოწვეული ვირტუალური ურთიერთობის შემდეგ. მადლობას ვუხდი საქართველოს მთავრობას წლევანდელი კონფერენციის მასპინძლობისთვის, - ამის შესახებ აზიის განვითარების ბანკის პრეზიდენტმა მასაცუგუ ასაკავამ ცენტრალური აზიის რეგიონული ეკონომიკური თანამშრომლობის (CAREC) პროგრამის რიგით 22-ე მინისტერიალზე სიტყვით გამოსვლისას განაცხადა.

მისივე თქმით, კონფერენციის თემა მეტად აქტუალურია, რადგან რეგიონი განვითარების გადაუდებელი გამოწვევების წინაშე დგას, რომელსაც ვერც ერთი ქვეყანა ვერ გადაჭრის მარტო.

„მოხარული ვარ, რომ ვესწრები ამ პირველ მინისტერიალს 2019 წლიდან პანდემიით გამოწვეული ვირტუალური ურთიერთობის შემდეგ. მადლობას ვუხდი საქართველოს მთავრობას წლევანდელი კონფერენციის მასპინძლობისთვის.

ჩვენი კონფერენციის თემა მეტად აქტუალურია, რადგან რეგიონი დგას განვითარების გადაუდებელი გამოწვევების წინაშე, რომელსაც ვერც ერთი ქვეყანა ვერ გადაჭრის მარტო. მზარდი გაურკვევლობის წინაშე ვიმყოფებით, გეოპოლიტიკური დაძაბულობისა და მიწოდების ჯაჭვის ცვალებადი მდგრადობის გამო. შედეგად, ენერგეტიკისა და სურსათის უსაფრთხოება საფრთხეშია. ამასთანავე, იცვლება სატრანსპორტო და სავაჭრო გზები.

კლიმატური შოკებიც უფრო ხშირი და ინტენსიური გახდა. ჩვენ ეს ვნახეთ ამ რეგიონული პროგრამით გაერთიანებულ ქვეყნებში წყალდიდობებით, განსაკუთრებული სიცხითა და გვალვით გამოწვეული ბოლოდროინდელი განადგურების მაგალითზე. ეს საფრთხის ქვეშ აყენებს კრიტიკულ ინფრასტრუქტურას, ეკონომიკურ აქტივობას და არსებობას. ნება მომეცით გაგაცნოთ, თუ როგორ უჭერს მხარს აზიის განვითარების ბანკი რეგიონის ქვეყნებს ამ გამოწვევების დაძლევაში.

როგორც აზიისა და წყნარი ოკეანის კლიმატის ბანკი, ჩვენი ამბიციაა ჯამურად 100 000 000 000 დოლარით კლიმატის ცვლილებებთან გამკლავების ძალისხმევის დაფინანსება 2019-2030 წლების პერიოდში. გასული წლის მდგომარეობით, 21 000 000 000 დოლარი გვაქვს უკვე გაწერილი, საიდანაც 6.5 000 000 000 იყო მიმართული ცენტრალური აზიის ეკონომიკური თანამშრომლობის რეგიონული პროგრამის ქვეყნებისთვის. ასევე მხარი დავუჭირეთ კაპიტალურ რეფორმებს, რომელთა განსახორციელებლად აზიის განვითარების ბანკის დაფინანსებას მოჰყვება დამატებით 100 000 000 000 დოლარი მომდევნო ათწლეულის განმავლობაში. ეს არის ჩვენი შესაძლებლობების 40 პროცენტიანი ზრდა კრიზისების, მათ შორის კლიმატის ცვლილებების, დასაძლევად“, - განაცხადა აზიის განვითარების ბანკის პრეზიდენტმა.