მარნეულის მუნიციპალიტეტის მერი კენან ომაროვი და საკრებულოს თავმჯდომარე ამირან გიორგაძე ოფიციალური ვიზიტით ლიეტუვის რესპუბლიკაში, ვილკავიშკისის მუნიციპალიტეტში იმყოფებოდნენ.

მარნეულის მერიის ცნობით, ვიზიტის მიზანს ორ მუნიციპალიტეტს შორის თანამშრომლობის გაღრმავება და წარმატებული გამოცდილების გაზიარება წარმოადგენდა.

„ვიზიტის ფარგლებში, მარნეულის მუნიციპალიტეტსა და ვილკავიშკისის მუნიციპალიტეტს შორის მემორანდუმი გაფორმდა, რომელიც ურთიერთთანამშრომლობის შეთანხმებას განათლების, კულტურის, სპორტის, ტურიზმის, ბიზნესის და სხვა სექტორული მიმართულებებში გულისხმობს. სამუშაო შეხვედრები გაიმართა ქალაქის მერთან და სხვადასხვა სტრუქტურის წარმომადგენელთან.

ლიეტუვაში მარნეულის დელეგაციის შემადგენლობაში ასევე იმყოფებოდნენ, მარნეულის მუნიციპალიტეტის საკრებულოს თანამშრომელი, ვუგარ გადიმოვი და მედიასა და საზოგადოებასთან ურთიერთობის განყოფილების უფროსი ეკატერინე ერაძე“,- აღნიშნულია გავრცელებულ ინფორმაციაში.