აბაშის მუნიციპალიტეტის სოფელ სეფიეთიდან ბაზარში საკუთარი მიკროავტობუსით მიმავალ ცოლ-ქმარს შეიარაღებული პირები დახვდნენ. არსებული ინფორმაციით, ნიღბიანები ტრანსპორტში ავიდნენ, ცოლ-ქმარს ტელეფონი წაართვეს და გაკოჭეს.

ცოლ-ქმარი პოლიციის განყოფილებაში გამოკითხვაზე იმყოფება.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.