თუ საახალწლო საჩუქრების შეძენა ჯერ არ დაგიწყიათ, იცოდეთ, რომ „პალიტრა L“ 7-10 დეკემბერს დაგეგმილ „ბიბლუსის საახალწლო ფესტივალზე“ განსაკუთრებული შეთავაზებებით გელოდებათ. გამომცემლობა, რომელიც მკითხველს სიურპრიზებით ხშირად ანებივრებს, ამჯერადაც დიდი ფასდაკლებით იქნება წარმოდგენილი ღონისძიებაზე.

მასშტაბური ფესტივალი 4 დღის განმავლობაში გაგრძელდება. შეთავაზებებს შორის კი განსაკუთრებულ ადგილს დაიკავებს „პალიტრა L-ის“ საოცარი ფასდაკლებები. სწორედ ამიტომ საჩუქრების შესაძენად საჭირო აღარ არის დეკემბრის მიწურულს დაელოდოთ.

წიგნი საუკეთესო საჩუქარია ყველასთვის, ოჯახის წევრისა თუ მეგობრისთვის, შვილისა და თანამშრომლისთვის. ფესტივალის ფარგლებში, „პალიტრა L“ ერთგულ მკითხველს დიდ ფასდაკლებას შესთავაზებს მრავალფეროვანი კატეგორიის წიგნებზე. მათ შორის იქნება მხატვრული ლიტერატურა და სხვადასხვა ასაკობრივი საბავშვო გამოცემები. ფასდაკლებებით ისარგებლებთ როგორც ახალგამოცემულ ლიტერატურაზე, ისე ბესტსელერ წიგნებზე.

ფასდაკლების გარდა ფესტივალზე მისულ სტუმრებს გამომცემლობისგან უამრავი საჩუქარი და სიურპრიზი ელოდება. საოცარი გარემო კი ნამდვილ საახალწლო განწყობას შეგიქმნით. ულამაზესი დეკორაციის ფონზე მშვენიერ საახალწლო ფოტოებს გადაიღებთ და ტკბილ მოგონებებს შეიქმნით. რაც ყველაზე მნიშვნელოვანია, შეიძენთ წიგნებს დიდი ფასდაკლებით და მთავარი საახალწლო საზრუნავი უკვე მოგვარებული გექნებათ.

„ბიბლუსის საახალწლო ფესტივალი“ 7-10 დეკემბერს „ექსპო ჯორჯიას“ მე-11 პავილიონში გაიმართება.

(R)