ირანის პრეზიდენტი, ებრაჰიმ რაისი ხუთშაბათს მოსკოვში გაემგზავრება, სადაც რუსეთის პრეზიდენტს, ვლადიმერ პუტინს შეხვდება.

ირანული მედიის ინფორმაციით, პრეზიდენტები რუსეთ-ირანის თანამშრომლობის სავაჭრო, ეკონომიკურ, პოლიტიკურ ასპექტებზე ისაუბრებენ და ასევე ახლო აღმოსავლეთში არსებულ ვითარებას განიხილავენ.

გავრცელებული ინფორმაციით, ებრაჰიმ რაისი უხელმძღვანელებს დელეგაციას, რომლის შემადგენლობაშიც შევლენ ირანის ხელისუფლებისა და სავაჭრო და ეკონომიკური წრეების წარმომადგენლები.