პეტრე ცისკარიშვილი და დავით ხაჯიშვილი უკრაინაში, ადამიანის უფლებების დაცვის საერთაშორისო კონფერენციაში - „თავისუფლება და უსაფრთხოება“ მონაწილეობას მიიღებენ
„ერთიანი ნაციონალური მოძრაობის“ გენერალური მდივანი პეტრე ცისკარიშვილი და პარლამენტის დეპუტატი დავით ხაჯიშვილი ოფიციალური ვიზიტით უკრაინაში გაემგზავრებიან, სადაც ადამიანის უფლებების დაცვის საერთაშორისო კონფერენციაში - „თავისუფლება და უსაფრთხოება" მონაწილეობას მიიღებენ.
ინფორმაციას „ერთიანი ნაციონალური მოძრაობა“ ავრცელებს.
მათივე ცნობით, კონფერენცია კიევში, 7-8 დეკემბერს გაიმართება.
„7-8 დეკემბერს, კიევში გაიმართება ადამიანის უფლებების დაცვის საერთაშორისო კონფერენცია - „თავისუფლება და უსაფრთხოება", რომლის ორგანიზატორები უკრაინის პრეზიდენტის ოფისი, უკრაინის საგარეო საქმეთა სამინისტრო, უკრაინის სახალხო დამცველის ოფისია. კონფერენციაზე მიწვეულები არიან და მონაწილეობას მიიღებენ „ერთიანი ნაციონალური მოძრაობის“ გენერალური მდივანი პეტრე ცისკარიშვილი და პარლამენტის დეპუტატი დავით ხაჯიშვილი,“ - აღნიშნულია გავრცელებულ ინფორმაციაში.
