პერუს საკონსტიტუციო სასამართლომ ყოფილი პრეზიდენტის, ალბერტო ფუხიმორის გათავისუფლების ბრძანება გასცა, - ამის შესახებ ინფორმაციას სააგენტო The Associated Press-ი ავრცელებს.

მათივე ცნობით, სასამართლოს მიერ გამოცემული რეზოლუცია 85 წლის ფუხიმორის, ჰუმანიტარული ნიშნით, დაუყოვნებლივ გათავისუფლებას მოითხოვს.

ცნობისთვის, ფუხიმორს 25 წლით თავისუფლების აღკვეთა 2009 წელს ადამიანის უფლებების დარღვევის ბრალდებით მიუსაჯეს. მას ბრალად, 1990 წლიდან 2000 წლამდე სამხედრო რაზმების მიერ „ნათელი გზის“ აჯანყებულების მკვლელობების მოწყობა ედება.