პერუს ყოფილი პრეზიდენტი, ალბერტო ფუხიმორი ციხიდან გაათავისუფლეს. ამის შესახებ ინფორმაციას Reuters-ი ავრცელებს.

ადამიანის უფლებათა დამცველი ჯგუფების კრიტიკის მიუხედავად, პერუს ყოფილი პრეზიდენტი, 85 წლის ალბერტო ფუხიმორი, 16 წლის შემდეგ პატიმრობიდან გაათავისუფლეს.

„დღეს, საბოლოოდ, ჩვენ მამა სახლში გვყავს. ჩემს გულში არა სიძულვილი და წყენა, არამედ მადლიერებაა”, - განაცხადა ალბერტო ფუხიმორის ქალიშვილმა, კეიკო ფუხიმორიმ.

პერუს უმაღლესმა სასამართლომ ფუხიმორის, ჰუმანიტარული ნიშნით, გათავისუფლების გადაწყვეტილება გუშინ გამოსცა.

შეგახსენებთ, პერუს ყოფილი პრეზიდენტი, 1990-იან წლებში ადამიანის უფლებების დარღვევისთვის, სასჯელს 25 წლით იხდიდა.