ირანის პრეზიდენტი, ებრაჰიმ რაისი რუს კოლეგასთან, ვლადიმერ პუტინთან მოლაპარაკებების მიზნით მოსკოვში გაემგზავრა.

ამის შესახებ ინფორმაციას ირანული მედია ავრცელებს.

მათივე ინფორმაციით, ებრაჰიმ რაისი რუსეთში ვლადიმერ პუტინის ოფიციალური მიწვევით ჩადის და ის პოლიტიკოსებისა და ეკონომისტების მაღალი რანგის დელეგაციას ხელმძღვანელობს.

კრემლის პრესსამსახურის ინფორმაციით, მხარეები სატრანსპორტო, ენერგეტიკულ და სავაჭრო-ეკონომიკურ სფეროში ერთობლივ პროექტებს განიხილავენ.

რუსეთის პრეზიდენტის თანაშემწემ საერთაშორისო საკითხებში, იური უშაკოვმა განაცხადა, რომ რუსეთისა და ირანის პრეზიდენტები დელეგაციის წევრების თანდასწრებით გამართავენ, შემდეგ კი სამუშაო სადილის ფორმატში ისაუბრებენ.