თურქეთის პრეზიდენტი საბერძნეთის პრემიერ-მინისტრს შეხვდება
თურქეთის პრეზიდენტი, რეჯეფ თაიფ ერდოღანი საბერძნეთის პრემიერ-მინისტრს, კირიაკოს მიცოტაკისს შეხვდება.
ამის შესახებ ინფორმაციას ბერძნული გამოცემა Kathimerini ავრცელებს.
ბერძნული მედიის ცნობით, რეჯეფ თაიფ ერდოღანი დღეს ათენს ეწვევა და დიპლომატიური მისიის ფარგლებში საბერძნეთის პრემიერთან შეხვედრას გამართავს.
„კირიაკოს, ჩემო მეგობარო, ჩვენ არ გემუქრებით, თუ თქვენ არ დაგვემუქრებით. თუ ჩვენს შორის არსებული განსხვავებები დიალოგის გზით მოგვარდება ეს ყველასთვის სასარგებლო იქნება“, - განაცხადა ერდოღანმა ათენში ვიზიტის წინ.
შეხვედრის მთავარ საკითხს თანამშრომლობის შესახებ ახალი შეთანხმების გაფორმება წარმოადგენს, რომელიც საბერძნეთსა და თურქეთს შორის ნდობის აღდგენას და მომავალში კონსტრუქციულ თანამშრომლობას ითვალისწინებს.
