"ევროპული საქართველო" ვანში პარტიის წევრის, კობა ძაგნიძის დაკავებას ეხმაურება და აცხადებს, რომ საქმის დეტალებში ერკვევა.

„ევროპულმა საქართველომ“ აღნიშნავს, რომ ბრალდება მძიმეა.

„რამდენიმე საათის წინ შევიტყვეთ, რომ „ევროპული საქართველოს“ ვანის ორგანიზაციის წევრი კობა ძაგნიძე არასრულწლოვანის მიმართ იძულების ბრალდებით დააკავეს.

ბრალდება მძიმეა, "ევროპული საქართველო" ერკვევა საქმის დეტალებში და ინფორმაციის შესაბამისად იმოქმედებს“,- ნათქვამია „ევროპული საქართველოს“ განცხადებაში.

ვანში, „ევროპული საქართველოს“ წევრი, კობა ძაგნიძე დააკავეს. როგორც „ინტერპრესნიუსს“ შინაგან საქმეთა სამინისტროში განუცხადეს, ძაგნიძე სისხლის სამართლის კოდექსის 150-ე მუხლითაა დაკავებული, რაც იძულებას გულისხმობს.