ეს არის ევროპული საზოგადოება და ამ საზოგადოებას რუსულ ორბიტაზე ვერ გადაათრევს ხელისუფლება, მცდელობების მიუხედავად და ყველა ასეთი სიმბოლური აქტი მნიშვნელოვანია, - ამის შესახებ “ლელოს“ წევრმა საბა ბუაძემ განაცხადა.

მისი თქმით, ის დარწმუნებულია, რომ საქართველო კანდიდატის სტატუსს მიიღებს.

„როდესაც გვყავს ხელისუფლება, რომელიც მუდმივად არყევს ჩვენს ევროპულ პერსპექტივას, განსაკუთრებით მნიშვნელოვანია, რომ ყველა შესაძლებლობა გამოვიყენოთ იმისთვის, რომ ქართველი ხალხის ურყევი, ერთმნიშვნელოვანი მხარდაჭერა ევროკავშირში ინტეგრაციის მიმართ გავაგონოთ ჩვენს პარტნიორებს, ერთმანეთს და ვთქვათ, რომ ეს არის ევროპული საზოგადოება და ამ საზოგადოებას რუსულ ორბიტაზე ვერ გადაათრევს ეს ხელისუფლება მცდელობების მიუხედავად და ყველა ასეთი სიმბოლური აქტი მნიშვნელოვანია. მე იმედი მაქვს, რომ ამ ურყევ მხარდაჭერას დაინახავენ ჩვენი პარტნიორები და იქნება სასიკეთო გადაწყვეტილება კანდიდატის სტატუსთან დაკავშირებით, მიუხედავად „ქართული ოცნების“ ძალიან ბევრი საბოტაჟისა, რასაც ამ პერიოდის განმავლობაში ეწეოდნენ“, - განაცხადა ბუაძემ.