კრემლი - ვლადიმერ პუტინმა ბენიამინ ნეთანიაჰუს განუცხადა, რომ მისთვის ტერორიზმის ნებისმიერი გამოვლინება მიუღებელია

რუსეთის პრეზიდენტმა ვლადიმერ პუტინმა ისრაელის პრემიერ-მინისტრ ბენიამინ ნეთანიაჰუსთან პალესტინა-ისრაელის კონფლიქტის ზონაში არსებული მწვავე ვითარება განიხილა და დაადასტურა, რომ მისთვის მიუღებელია ტერორიზმის ნებისმიერი გამოვლინება, - ინფორმაციას რუსული მედია კრემლის პრესსამსახურზე დაყრდნობით ავრცელებს.

„რუსეთის ფედერაციის პრეზიდენტმა, ვლადიმერ პუტინმა ისრაელის პრემიერ-მინისტრ ბენიამინ ნეთანიაჰუსთან სატელეფონო საუბარი გამართა. ყურადღება გამახვილდა პალესტინა-ისრაელის კონფლიქტის ზონაში არსებულ მწვავე ვითარებაზე და განსაკუთრებულად, ღაზის სექტორში არსებულ კატასტროფულ ჰუმანიტარულ ვითარებაზე ვლადიმერ პუტინმა დაადასტურა მისი პრინციპული პოზიცია ტერორიზმის ნებისმიერი გამოვლინების მიუღებლობისა და დაგმობის შესახებ“, - ნათქვამია კრემლის განცხადებაში.