რუსულმა ძალებმა ხარკოვის ოლქის ქალაქ კუპიანსკი არტილერიით დაბომბეს, რის შედეგადაც მოხუცი ქალი დაიღუპა და კიდევ ერთი ადგილობრივი მცხოვრები დაშავდა.

ინფორმაციას უკრაინული მედია ხარკოვის რეგიონალური სახელმწიფო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.

„დღეს, ქალაქ კუპიანსკში მტრის მიერ განხორციელებული დაბომბვის შედეგად, 73 წლის მშვიდობიანი მოქალაქე დაიღუპა“, - წერს სინეგუბოვი სოციალურ ქსელში.

მისივე თქმით, კიდევ ერთმა ადგილობრივმა მცხოვრებმა ჭრილობები მიიღო და ის სამედიცინო დაწესებულებაში გადაიყვანეს.

რუსული ძალების თავდასხმის შედეგად საცხოვრებელი სახლები დაზიანდა.